انا سعودي يمكن تستغربون بس بدش الداخلية

اولا انا عضو جديد اهني واتمنا انكم تقبلوني
يا جماعة انا كنت بدون وتم تعديل وضعي وصرت سعودي
وانا عايش بالكويت ومولود بالكويت وابوي عسكري بالكويت صارلة 33 سنة خدمة ومازال على راس عملة
مع العلم انة كان اسير بالغزو وتم اسرة لمدة 8 شهور والاوراق موجودة
ليش ما يبون يدخلونا الداخلية وين نرووح
السعودية والله ما نعرف فيها احد احنا مثل البدون اهني بالكويت
لا شغل مثل الناس بدراسة مو فالحين
امي سعودية وابوي سعودي وخوالي وعمامي كلهم بالكويت نروح بسعودية لمنو
نبي ندش الداخلية نبي نشتغل اخوي صك عمرة ال 30 ولي الحين مو لاقي وظيفة راح جيش سعودية قطووة بجزان وطلع
وين نروح وربي ملينا
اعرف شباب سعودين عيال عمهم بسعودية ساكنين ومايدورن شلون صايرة الكويت بس امهم كويتية
افتحو اهني كلهم جو وسجلو والحين هم شرطة
اين الانصاف
وربي قهر وربي قهر

وين الردود صارلي يومين منزل الموضوع محد رد
استغفر الله شنو هلمنتدي البايخ

ياهلا والله اخوي انا نفسك محد رد علي وموعارفه شلون اكلمهم

تصــبر ِ اخويِ .. وانشالله كل تاخيرة في خــيرةِ


انا سمعتِ انِ يوجدِ نية لوزارة الداخليةِ بفتح باب القبول بشهر تسعة لعام الحالي هذا

وانشالله يبطلونها للي امهاتهم كويتيةِ وهم خليجين ولامهاتهم كويتية وهم بدون

وسمعت ايضا والله اعلمِ ...

ان خطة وزارة الداخليةِ الي ابوة عسكري ِ يقبلون 2 من ابناءء ليتم دخلوهم بدورة الافراد

واليِ عندةِ خبر بتسجيل ِ او اي شي اتمنىِ مايقصر ويانا وانشالله نعين ونعاون بالاخبارِ





تقبل مروري ِ.................

السلام عليكم

أخوي و الله حاسة فيكم و الله يفرجها عليكم بس أخوي في فرق بين وضعكم و وضع السعوديين اللي أمهم كويتية. حضرتك قلت إن الوالدة الكريمة سعودية الجنسية فهل ما زال كل من والديك يمتلك الجنسية؟ إدا كانت الأمور كما دكرت فلا بد من بدل الجهد بإكمال التعليم لنيل الشهادة أخوي و السفر للإلتحاق بالجامعة و من ثم العودة للعمل كوافد و تعيش حياتك بشكل عادي و تتزوج و تفتح بيت و تأسس أسرة. حرام ما كملتوا دراسة و العالم كله يعتمد على التعليم و المؤهلات خاصة أخوك الله يكون فعونه مادري بصراحة شلون متعايش بواقعه المرير؟ و ازم تتحرك قبل لا توصل لمرحلة أخوك.
عموما حاليا مافي جدامكم إلا العمل الحر ... تكاتف إنت و أخوك و اشتغلوا بشركة أو مؤسسة علشان توفرون المادة للسفر لبلاد تاعطيكم جناسي. سمعت عن كندا تاعطي جناسي بعد ثلاث سنوات و أستراليا بعد خمس سنوات و أعرف ناس كانت جنسيتهم عربية سافروا لأستراليا و بعد خمسة أعوام رجعوا بجناسي و جوازات أسترالية ... و أعرف ناس لبنانيين كان أوهم يعل مقاول و زوجته لبنانية و عيالهم كلهم مولودين بالكويت قدموا عالجنسية و قالوا لهم لازم تكونون بتعداد عام 1965 و لأن أبوهم خلاص بعد لازم يرد للبنان لأن ما يصير بعد يجدد إقامته اتفق بعض العيال للهجرة إلى كندا بأزواجهم و عيالهم سبب الغلاء المعيشي.
أنا كويتية و زوجي بدون و عنده تعداد عام 1965 و من زمان قدمنا على الجنسية بس ماكو فايدة و لله الحمد اللي الله أكرمه بجواز بس جوف ولدنا و الله إن ما عنده لا شي إلا ورقة بلاغ مولود و من ألحين قاعدة أحاتي مستقبله و نفسيته بس عندي مخطط إدا ما حصل شي بديرتي للأسف. و أبوه يشتغل حاليا مع أخوه بمكتب و لو ما كان عمره 40 جان ما مولتني وزارة الشؤون الإجتماعية ماديا علشان نعيش بصورة أفضل و معاش زوجي يالله يسد تكاليف معيشته و أموره الخاصة. فما جدامكم إلا مثل ما سووا زوجي و حماي و لله الحمد كاهم متزوجين و عندهم عيال. أخوي لا تثقل على كاهلك و تفكر بسلبيات العالم و الأمور غير المعقولة و قد حتى تكون منافية لما شرعه الله سبحانه و تعالى بديننا الإسلامي. هو زماننا هكدا متأزم .. خفف على نفسك و خطط صح بتفكير إيجابي و اسحب أوك معاك و لا تستسلمون من أول و لا ثاني محاولات فاشلة لأنكم لازم تعيشون حياتكم و الا ترى باجر محد يشيلكم لأننا في زمان ماحد لأحد. و الله الموفق. تحياتي.