رسائل إصلاحية
بسام الفهد
منحة 1000 دينار لكل كويتي قبل رمضان (1 - 3)
عزمت الحكومة على طباعة «نوط بو ألف».. الله يا طوله! وبتعطي كل مواطن «واحد».. تخليه ينبسط.. ويلعب لعب بهالنوط «أبو ألف»!! على بالكم ضحك؟ لا هذي حقيقة.. لا.. وبتخلي الديرة «طبقات».. صدقوني هذي حقيقة مو ضحك.. واللي مو مصدق.. البنك المركزي موجود.. روحوا له واسألوا عن النوط «بو ألف».. اللي بتطبعه الحكومة قبل رمضان.. وبتعطي كل مواطن منحة «نوط بو ألف» قبل رمضان.. بدل غلاء معيشة.. لأن كل العالم نزلت فيه الأسعار إلا الكويت!! علشان جذيه قدرت الحكومة الرشيدة!! ظروف المواطنين الكويتيين وغلاء اسعار المواد الغذائية الذي عادة ما يسبق رمضان بأيام لتقصير وزارة التجارة في عملها ورقابتها..
وكذلك عزمت الحكومة على طباعة «نوط بو 250» ديناراً.. صحيح راح يكون أصغر بوايد من «نوط بو ألف».. بس يونس ويريح ويخلي اللي يشوفه ينسبط.. «250 ديناراً» بورقة واحدة يا زينها.. بس هذاالنوط طبعته الحكومة علشان بتعطيه للوافدين اللي أيضاً ذبحهم الغلاء فصاروا يبحثون عن الأطعمة المنتهية الصلاحية لرخصها.. فقررت الحكومة منحة 250 ديناراً لكل وافد لعل وعسى البركة ترجع لهذا البلد.. وأيضاً لأن الحكومة لم تقم بواجبها بمعاقبة تجار الإقامات ووعود الوزير السابق بدر الدويلة بكشف وفضح تجار الإقامات!! وهناك بعض هؤلاء التجار عليهم إقامات بالآلاف وعمالة سائبة بالشوارع وتمصهم مصاً.. وتسحقهم سحقاً.. واللي ما يدفع يتسفر شر تسفيرة.. ولذلك قررت الحكومة إعطاء هولاء منحة لتسديد ما عليهم لتجار الإقامات!! اللي مو مصدق هذا وزير الشؤون موجود.. روحوا واسألوه!! ورمضان على الأبواب.. وإن غداً لناظره قريب..
وبتخلي الديرة «طبقات» طبقة فوق طبقة. وطبقة فوق طبقة.. صدقوني صج.. هذه حقيقة.. عزمت الحكومة منذ ما يزيد على عشر سنوات إنها تخلي الديرة طبقات.. واللي مو مصدق هذا البنك المركزي موجود.. روحوا واسألوه.. طبقة المديونين.. وطبقة أصحاب البنوك.. برعاية الحكومة الرشيدة والبنك المركزي!!
وعزمت الحكومة على طباعة «نوط بوإمية».. هذا صغير وايد.. بس يعني أحسن من لا شيء.. هم يونس ويبسط في الليلة السودة ينفع ويفرج الهم.. إمية دينار زينة.. أكيد مو نفس «بو ألف» اللي شطوله.. وتقدر تستفيد منه وقت أطول.. وتفسفس وترافس بالفلوس.. ألف دينار مو شوية.. وأكيد مو نفس «نوط بو 250» اللي على الأقل يبرد الجبد وقت الشدة!! ويسد شوية على الأقل!! بس «نوط بوإمية» هذا خاص حق البدون.. لأن الحكومة قررت بتعطي منحة للكويتيين البدون!! لأنها السبب الرئيسي والأول والأخير لهذه المشكلة.. وتقاعسها طوال الأربعين سنة الماضية في عدم حل هذه المأساة الإنسانية.. لذلك قررت حكومتنا الرشيدة انها بتعطي كل بدون.. وبدونة.. واحد محترم من النوط «بو إمية»!! الحكومة تبي تونسهم وتمتعتهم لأنهم تعذبوا وشافوا الأمرين منذ تحرير الكويت حتى اليوم.. بسبب اللجنة المركزية لمعالجة أوضاعهم.. والجوازات المزورة.. والإهانات.. لأن الحكومة والمسؤولين فيها شايفين كيف يعيش «البدون» في الصليبية وجليب الشيوخ بين العزابية فقررت رفع العذاب عنهم بواحد محترم من «نوط بوإمية» لعل وعسى ترجع البركة لديرتنا العزيزة الكويت.. اللي صارت كلها جدال وصراخ وتعطل المشاريع بسبب ظلم من يعيش على أرضها.. بعد أن كانت أرض خير وحب وعطاء للجميع.. صارت أرض عذاب ومهانة وديون وأمراض.. صدقوني اللي ذكرناه حقيقة.. بيعطون البدون «نوط بو إمية» بس الى الآن الحكومة لم تتخذ قراراً بنوعية النوط.. هل هو «بو إمية دينار» أو «بو إمية فلس»!! ومازالت مترددة بسبب بعض الوزراء.. اللي حتى منحة «نوط بو إمية فلس» مو عاجبهم!! يقولون «وايد» وهذه «بعزأة» وتدمير لاحتياطي الأجيال القادمة!! وهم المنتفعون من صندوق الاستقرار المالي!! خوش عدالة!!!!
كل اللي ذكرناه صج وحقيقي وطالعوا الجزء الثاني للمقالة.. وراح نذكر فيه أسماء الوزراء اللي مع أو ضد القرار.. لكن المهم المنحة اللي قبل رمضان.. يسيل لها لعاب الكويتيين والوافدين والبدون!! وصدقوني الحكومة قالت يستاهلون.
http://www.alwatan.com.kw/Default.as...&AuthorID=1564
بسام الفهد
منحة 1000 دينار لكل كويتي قبل رمضان (1 - 3)
عزمت الحكومة على طباعة «نوط بو ألف».. الله يا طوله! وبتعطي كل مواطن «واحد».. تخليه ينبسط.. ويلعب لعب بهالنوط «أبو ألف»!! على بالكم ضحك؟ لا هذي حقيقة.. لا.. وبتخلي الديرة «طبقات».. صدقوني هذي حقيقة مو ضحك.. واللي مو مصدق.. البنك المركزي موجود.. روحوا له واسألوا عن النوط «بو ألف».. اللي بتطبعه الحكومة قبل رمضان.. وبتعطي كل مواطن منحة «نوط بو ألف» قبل رمضان.. بدل غلاء معيشة.. لأن كل العالم نزلت فيه الأسعار إلا الكويت!! علشان جذيه قدرت الحكومة الرشيدة!! ظروف المواطنين الكويتيين وغلاء اسعار المواد الغذائية الذي عادة ما يسبق رمضان بأيام لتقصير وزارة التجارة في عملها ورقابتها..
وكذلك عزمت الحكومة على طباعة «نوط بو 250» ديناراً.. صحيح راح يكون أصغر بوايد من «نوط بو ألف».. بس يونس ويريح ويخلي اللي يشوفه ينسبط.. «250 ديناراً» بورقة واحدة يا زينها.. بس هذاالنوط طبعته الحكومة علشان بتعطيه للوافدين اللي أيضاً ذبحهم الغلاء فصاروا يبحثون عن الأطعمة المنتهية الصلاحية لرخصها.. فقررت الحكومة منحة 250 ديناراً لكل وافد لعل وعسى البركة ترجع لهذا البلد.. وأيضاً لأن الحكومة لم تقم بواجبها بمعاقبة تجار الإقامات ووعود الوزير السابق بدر الدويلة بكشف وفضح تجار الإقامات!! وهناك بعض هؤلاء التجار عليهم إقامات بالآلاف وعمالة سائبة بالشوارع وتمصهم مصاً.. وتسحقهم سحقاً.. واللي ما يدفع يتسفر شر تسفيرة.. ولذلك قررت الحكومة إعطاء هولاء منحة لتسديد ما عليهم لتجار الإقامات!! اللي مو مصدق هذا وزير الشؤون موجود.. روحوا واسألوه!! ورمضان على الأبواب.. وإن غداً لناظره قريب..
وبتخلي الديرة «طبقات» طبقة فوق طبقة. وطبقة فوق طبقة.. صدقوني صج.. هذه حقيقة.. عزمت الحكومة منذ ما يزيد على عشر سنوات إنها تخلي الديرة طبقات.. واللي مو مصدق هذا البنك المركزي موجود.. روحوا واسألوه.. طبقة المديونين.. وطبقة أصحاب البنوك.. برعاية الحكومة الرشيدة والبنك المركزي!!
وعزمت الحكومة على طباعة «نوط بوإمية».. هذا صغير وايد.. بس يعني أحسن من لا شيء.. هم يونس ويبسط في الليلة السودة ينفع ويفرج الهم.. إمية دينار زينة.. أكيد مو نفس «بو ألف» اللي شطوله.. وتقدر تستفيد منه وقت أطول.. وتفسفس وترافس بالفلوس.. ألف دينار مو شوية.. وأكيد مو نفس «نوط بو 250» اللي على الأقل يبرد الجبد وقت الشدة!! ويسد شوية على الأقل!! بس «نوط بوإمية» هذا خاص حق البدون.. لأن الحكومة قررت بتعطي منحة للكويتيين البدون!! لأنها السبب الرئيسي والأول والأخير لهذه المشكلة.. وتقاعسها طوال الأربعين سنة الماضية في عدم حل هذه المأساة الإنسانية.. لذلك قررت حكومتنا الرشيدة انها بتعطي كل بدون.. وبدونة.. واحد محترم من النوط «بو إمية»!! الحكومة تبي تونسهم وتمتعتهم لأنهم تعذبوا وشافوا الأمرين منذ تحرير الكويت حتى اليوم.. بسبب اللجنة المركزية لمعالجة أوضاعهم.. والجوازات المزورة.. والإهانات.. لأن الحكومة والمسؤولين فيها شايفين كيف يعيش «البدون» في الصليبية وجليب الشيوخ بين العزابية فقررت رفع العذاب عنهم بواحد محترم من «نوط بوإمية» لعل وعسى ترجع البركة لديرتنا العزيزة الكويت.. اللي صارت كلها جدال وصراخ وتعطل المشاريع بسبب ظلم من يعيش على أرضها.. بعد أن كانت أرض خير وحب وعطاء للجميع.. صارت أرض عذاب ومهانة وديون وأمراض.. صدقوني اللي ذكرناه حقيقة.. بيعطون البدون «نوط بو إمية» بس الى الآن الحكومة لم تتخذ قراراً بنوعية النوط.. هل هو «بو إمية دينار» أو «بو إمية فلس»!! ومازالت مترددة بسبب بعض الوزراء.. اللي حتى منحة «نوط بو إمية فلس» مو عاجبهم!! يقولون «وايد» وهذه «بعزأة» وتدمير لاحتياطي الأجيال القادمة!! وهم المنتفعون من صندوق الاستقرار المالي!! خوش عدالة!!!!
كل اللي ذكرناه صج وحقيقي وطالعوا الجزء الثاني للمقالة.. وراح نذكر فيه أسماء الوزراء اللي مع أو ضد القرار.. لكن المهم المنحة اللي قبل رمضان.. يسيل لها لعاب الكويتيين والوافدين والبدون!! وصدقوني الحكومة قالت يستاهلون.
http://www.alwatan.com.kw/Default.as...&AuthorID=1564